航天中文网(taiwanjiayuan.com)01月-16日 消息:
喺超多嘅台灣菜裡面,總有幾款特別引人注目,獲得世界各地嘅人鍾意,亦將後街簡陋嘅小食店推向世界舞台,盡享國際美譽。麵食喺台灣嘅地位,絕非「熱門」兩個字足以形容。講真果句,台灣有超多麵食款式,等您嚟品嚐,每個地方各有唔同風味,由南投細長嘅麵條、到新竹熱辣辣嘅拉麵,都令人流晒口水!
對於鍾意食甜嘢嘅遊客,台灣嘅糕點同甜品種類超多,令人眼花繚亂。原住民嘅小米糕帶咗少少甜味,係一流嘅小食;而客家糯米糕亦係數一數二嘅美食;另外,您仲可以試下冰凍嘅甜品,例如水果刨冰、果凍飲品同珍珠奶茶,消暑一番。遊客必食嘅台灣美食,真係數都數唔到,就只好等您親身試下啦!
蠔仔麵線
蠔仔麵線台灣叫做「蚵仔麵線」,一般做法係將麵條放入湯羹裡面煮熟,然後係麵線上面加入新鮮蠔仔。雖然好多人認為應該用筷子食呢種半透明嘅麵線,其實單手攞起湯匙畢嚟食仲方便!走入夜市,你會見識到不同款式嘅蠔仔麵線,多數都裝係細發泡膠碗裡面,俾埋膠匙你方便即買即食。
相片由 羽諾 諾咪 提供 (CC BY-SA 2.0) (經修改)
鹽酥雞
台式鹽酥雞就咁睇好似普通炸雞,其實係好味到不得了嘅街頭小食!店主會將炸好嘅雞肉切成一啖 size 嘅雞塊,再灑上各種調味粉,鍾意食辣嘅話,可以要求加多啲辣椒粉,夠哂惹味醒神。
凍芒果西米露
凍芒果西米露口感清新,滋味無窮,係台灣夜市和路邊攤檔經常都見到。呢款甜品嘅製作方法好簡單,只要將調味後嘅刨冰放入碗裡面,再係上面放滿鮮味多汁嘅金黃色芒果、甜西米和其他水果就大功告成。有啲人仲會係刨冰上面淋上鮮果糖漿或其他醬汁,增加風味。
相片由 台南美食典 提供 (CC BY-SA 2.0) (經修改)
蚵仔煎
蚵仔煎係台灣必食嘅街頭小食之一,好多旅客係台灣期間,至少都要食半打,蚵仔煎可以話係邪惡美食,好味到令人停唔到口。蚵仔煎一般做法係用好多隻雞蛋,混合蠔仔、麵粉、薯粉和其他配料煎成完美蛋餅,然後淋啲淡醬汁就可以上枱。有啲人鍾意配搭辣醬一齊食,更加辛辣惹味!
相片由 T1NH0 提供 (CC BY-SA 3.0) (經修改)
珍珠奶茶
台灣珍珠奶茶熱潮風靡亞洲大小角落,甚至衝出亞洲紅遍全球!「珍珠」其實係用麵粉和啫喱製成,台式飲品店賣嘅珍珠奶茶口味好多元化,有時仲會加入切粒生果。去台灣夜市掃街,不妨買杯珍珠奶茶解渴兼幫助消化。
滷肉夾包
滷肉夾包又叫「刈包」,係好受歡迎嘅台式小食,好多人更形容佢做「台灣漢堡包」!刈包口感鬆軟,食落似厚身嘅彼得包,裡面夾滿左豬肉和蔬菜,最啱忙著做野嘅人攞嚟頂肚餓。
相片由 TACO Huang 提供 (CC BY-SA 2.0) (經修改)
火鍋
火鍋被視為家常菜,啱哂一大班人一齊圍爐大飲大食,好多台灣人更認為圍爐食火鍋有助增進感情。火鍋可以放入好多配料,例如肉類、蔬菜、海鮮等,將所有配料放入清湯煮熟後,就可以配白飯嚟食。
相片由 bryan... 提供 (CC BY-SA 2.0) (經修改)
肉餃子
台灣人叫肉餃子做「肉圓」,只要食一粒,你就會上癮係咁食。肉圓可以用油炸或清蒸方式煮熟,通常係街邊攤檔和夜市都買得到;你仲可以要求舖頭將肉圓切成細塊,然後蘸上甜辣醬一齊食。
台式稀粥
台式稀粥通常配以皮蛋、鹹蛋和豬肉鬆一齊食,清淡可口,可以當早餐或晚餐黎食。
相片由 Alpha 提供 (CC BY-SA 2.0) (經修改)
冰糖葫蘆鮮果棒
冰糖葫蘆鮮果棒深受大人和小朋友歡迎,佢地外型七彩繽紛,係夜市之中非常搶眼!只要用香脆焦糖衣,包著士多啤梨、提子和奇異果等新鮮生果,然後插入竹枝中,就整好呢款簡單好味嘅小食。
愛玉果凍
愛玉果凍係主要產自台灣嘅人氣甜品,可配搭刨冰、鮮搾青檸汁甚或生果,炮製出涼浸浸嘅甜品,口味酸酸甜甜,清新醒胃,同時仲解渴添。